الطير قرناس

مـا همنـي و الله كثيـرٍ مـن النـاس
وجودهـم مثـل العـدم فـي حياتـي
ولا همنـي مقفـي و لا همنـي بـاس
الله رزقنـي فـي عـزومـي ثبـاتـي
اعرف وزن نفسـي و أوزان الاجنـاس
من كل صنـفٍ فـي جميـع الجهاتـي
كلِ و له قدره على حسـب مقيـاس
طيبـه و مـن قـدري انـا لا تحاتـي
الطيب بيّن فـي مداهيـل الاحسـاس
المعتـري روح الـرجـال الثقـاتـي
و اللي ردي ما ينفعـه فلـك تربـاس
دام الفشـق خامـل و لا بـه نجاتـي
و كم من جسور(ن) اعدمه رمح جساس
و كم خايبٍ أخطـى برمـح الزناتـي
يا كبر فرق البوم عـن طيـر قرنـاس
قرناس صـف الريـش عقـب المباتـي
اصله وحش ما قد وكر وسط مجـلاس
و عمره نقص من سـن خمـسٍ فواتـي
افجح عديـدٍ عاتقـه لوّيـت اقـواس
بتّـال صيـد و منسـره لـه غناتـي
عاري نحـر لحّـاق فـي ضبتـه فـاس
و القحف بارز فـوق سـود النواتـي
وصّفت انا طيري و طيري على سـاس
ينبيك عن ساسـه طبـوع و صفاتـي
لا هـو بمنكـولٍ و لا هـو بمحتـاس
اغلـب سماتـه مـا تعـارض سماتـي
ناديت انا طيـري و جاوبنـي اليـاس
و صوت الشقاوي احتبس فـي لهاتـي
من عام الاول و النظم مشغـل الـراس
ما ينقطع يـا كـود وقـت الصلاتـي

يعطيك العافيه على المرور

(( الطير قرناس ))